Хойд Солонгосын удирдагч Ким Чен Ун эцэг Ким Чен Ирээс ч илүү тансаг эдлэл худалдан авч байгааг "Huffington post" мэдээллээ. Ким Чен Ир 2006 онд Америкаас дарвуулт онгоц, уралдааны машин, үслэг эдлэл, 29 инчийн телевизор худалдаж авахыг хориглож байсан юм. НҮБ-ын хүний эрхийн мэргэжилтнүүд Хойд Солонгосын удирдагчид хүн төрөлхтний эсрэг гэмт хэрэг үйлдэж байна хэмээн буруутгасан хэдий ч Ким Чен Ун энэ мэдэгдлийг үл хайхран тансаг виски, коньяк, 1000 хүний багтаамжтай кино театр импортоор авах болсон талаар Ройтерс агентлаг мэдээлжээ. Мөн Мерседес Бенз автомашин, орчин үеийн дуу бичлэгийн төхөөрөмж, төгөлдөр хуур гээд худалдан авалт цааш үргэлжилнэ. 2012 онд Хойд Солонгосчууд 654 сая долларын тансаг эдлэл худалдан авч байсныг Их Британийн сонины нийтлэлд дурдсан байдаг. Хойд Солонгосын ард иргэд өлсгөлөнд нэрвэгдэж, тамлагдан зовж байгаа талаар НҮБ шүүмжилж байхад эрх баригчид ийнхүү тансаглаж байгаа нь зохимжгүй алхам гэж шүүмжлэгчид цөөнгүй байна.