Иракийн дайны хор хохирлыг Америкийн татвар төлөгчид төлсөн хэвээр байгаа бөгөөд энэхүү дайны төлбөр тооцоо цаашид ч нэмэгдэх хандлагатай байгаа гэж улс төрийн шинжээчид анхааруулж байна. Одоогоос 11 жилийн тэртээ 2003 оны 3 сард Иракийн дайн эхлэхэд олон хүмүүс энэ дайныг богино хугацаанд үргэлжилж, Америкийн татвар төлөгчид болон Иракчуудад онц хохирол учруулахгүй гэж найдаж байлаа. Харин одоо статистикчид болон улс төрийн шинжээчид тухайн үеийн Бушийн засаг захиргааны түшмэд том алдаа гаргасныг олж тогтоож байна. АНУ-ын Брауны Их Сургуулийн Ватсоны институтын судлаачдын тооцоолсноор бол Иракийн дайны улмаас 189 мянга гаруй иргэн амь үрэгдэж, 2 триллион долларын хохирол сүйтгэл учирсан ажээ. Иракийн дайны хохирлыг өмнө нь зориуд багаар тооцохыг оролддог байжээ. Тухайлбал Саддам Хусейний дэглэмийг унагасны дараа Ирак улсад ердөө 100 мянга гаруй энгийн номхон иргэд алагдаж шархадсан гэж үздэг байсан юм.