АНУ-ын ерөнхийлөгч Барак Обама өнөөдөр Цагаан ордонд Түвдийн шашны тэргүүн Далай ламыг өрөөндөө хүлээн авч уулзахаар болсон нь Хятадуудын дургүйцлийг хүргэж магадгүй. Тэд хамгийн сүүлд Хятад, АНУ-ын харилцаанд саад учруулж буй хүчин зүйлсийн талаар ярилцахаар 2011 онд уулзаж байжээ. Хятадууд Далай ламыг Түвдийн иргэдийн оюун санаанд нөлөөлж буй салан тусгаарлагч гэж тодорхойлдог. АНУ-ын ерөнхийлөгч Барак Обама Түвдийн тусгаар тогтнолд дэмжлэг үзүүлэх зорилгоор бус Хятад дахь хүний эрхийн асуудалд санаа зовниж байгаа учраас Далай ламтай уулзах болсон талаар албаны хүмүүс ярьжээ. Ерөнхийлөгч Обама дэлхийн нэр хүндтэй удирдагчдыг хүлээн авч уулздаг заншилтай бөгөөд тэрээр Далай ламын олон улс дахь шашин, соёлын нөлөөллийг хүлээн зөвшөөрч, хүндэтгэсээр иржээ. Хятадууд Түвдийн улс төр, шашны эрх чөлөөг нухчин дарж, эдийн засгийн хөгжлийн ачаар ард иргэдийнх нь амьдралыг сайжруулна гэж хэлдэг юм. Сүүлийн жилүүдэд 110 гаруй лам Хятадын бодлогыг эсэргүүцэж, зулын гол болжээ.