Украины ерөнхий сайд асан Юлия Тимошенко суллагдсаныхаа дараа Киев хотын төв талбай дахь жагсагчидтай уулзаж, үг хэлжээ. Тусгаар тогтнолын талбайд цугларсан дэмжигчид нь түүнийг жинхэнэ баатар хэмээн нэрийдэж, нулимс дуслуулан уйлж байв. Тимошенко Виктор Януковичыг эсэргүүцсэн тэмцлээ зогсоож болохгүй гэдгийг жагсагчдад санууллаа. Украины ерөнхий сайдаар ажиллаж байсан энэ хатагтай 2011 онд авилгалын хэргээр шоронд хоригдохоосоо өмнө ард түмний дунд нэр хүндээ алдаж, улбар шар хувьсгалын үймээнийг дэгдээхэд нөлөөлсөн хүн хэмээн буруутгагдаж байсан ажээ. Түүнийг долоон жилийн хорих ялаар шийтгээд байгаа ч энэ Баасан гаригт парламентын санал хураалтаар суллахыг нь зөвшөөрсөн юм. Энэ сарын 18-нд дэгдсэн мөргөлдөөний улмаас 88 хүн амиа алдсан талаар Украины эрүүл мэндийн яам батлаад байгаа билээ.