Украины ерөнхий сайд асан Юлия Тимошенко шоронгоос суллагдмагцаа Киев хотын тусгаар тогтнолын талбайд ард түмэндээ хандан үг хэлсэн юм. Тэрээр “Украины ард түмэн аймшигт дарангуйлагч Виктор Януковичыг хөөн зайлуулах цаг үе ирээд байна. Та бүхэн Украин орныг өөрчлөхийн төлөө бололцоотой бүхнийг хийсэн. Энэ үйл хэргийн эцсийг үзтэл хэн ч талбайг орхин явах эрхгүй” гэж хэлжээ. Мөн “ Та нар Украины нийгэм дэх “хорт хавдар”-ыг арилгаж байна. Та нар жинхэнэ баатар” гэж мэдэгджээ. Харин ерөнхийлөгч Виктор Янукович “Надад улс орноо орхих төлөвлөгөө байхгүй. Огцрох төлөвлөгөө ч байхгүй” хэмээн мэдэгдсэн юм. Украины ерөнхий сайдаар ажиллаж байсан энэ хатагтай нурууныхаа гэмтлээс болоод тэргэнцэртэй болсоныг харсан  жагсагчид нулимс дуслуулж байв.