Украины ерөнхийлөгч Виктор Януковичыг түлхэн унагасны дараа Александр Турчинов ерөнхийлөгчийн үүргийг орлон гүйцэтгэж байна. Виктор Янукович улс орноо дахин удирдах аргагүй болсон учраас түр орлон гүйцэтгэгчийг томилсон юм. Александр өнөөдрийн дотор шилжилтийн Засгийн газрын гишүүдийг томилож, улс төрийн тогтворгүй байдлыг намжаахын төлөө ажиллана гэдгээ мэдэгдсэн байна. Тус улсад ирэх тавдугаар сард ерөнхийлөгчийн сонгууль зохион байгуулах тов зарласан билээ. Энэ хооронд санхүүгийн том дарамтанд орсон Украин улсад туслахаар Америкийн эрх баригчид хэлэлцэж эхэлжээ. Энэ сарын 18-нд Украинд болсон мөргөлдөөний уршгаар 88 хүн амиа алдсан юм. Их Британийн мөрдөгчид Виктор Януковичийн хамгаалалтын ажилтнууд гал сөнөөсөн гэж мэдэгдсэн ч батлаагүй ажээ.