Мөрөөдөл биелдэг, хүн бүрт сохор аз байдгийг Унгарын иргэн Ласло Андрашек баталлаа. Өдгөө 55 настай тэрээр орон гэргүй тэнүүлчин амьдралаас саятан болж чадсан юм. Ласло өөрт байсан хэдхэн зоосоороо сугалаа автал 600 сая форинт буюу 2,7 сая доллар хожсон байна. Долоон жилийн турш орон гэргүй амьдарч байгаа тэрээр архинд толгойгоо мэдүүлсэнээс болж гэр бүлээ алдсан юм. Сугалаа хожино гэж зүүдлээ ч үгүй явсан Ласло зургаан үл хөдлөх хөрөнгө худалдан аваад Италид амьдарч буй эхнэр, хүүхэдтэйгээ уулзахаар явжээ. Тэрээр “Саятан болсон ч зан чанар минь өөрчлөгдөөгүй” гэж ярьдаг бөгөөд Унгарт амьдарч буй 30 мянган орон гэргүй хүний төлөө сайн сайхан зүйл хийнэ гэдгээ амласан байна.