ОХУ-ын ерөнхийлөгч Владимер Путин Украинд цэрэг байршуулах шийдвэрийг хараахан гаргаагүй байгаа хэмээн хэвлэлийн төлөөлөгч нь мэдээллээ. В.Путин Крым дэхь нөхцөл байдлыг намжаахад шаардлагатай цэрэг арми, зэвсгүүдийг бэлэн байдалд оруулаад байгаа ч Украин руу илгээх шийдвэрийг гаргах болоогүй хэмээн мэдэгджээ. Учир нь Оросын эрх баригчид Крым дэхь хямрал тэгтлээ даамжрахгүй гэж найдаж байгаа гэнэ. Харин Украины батлан хамгаалахын сайд Москвагаас Крымд 6000 цэрэг аль хэдийнэ ирж байршсан гэж мэдэгдсэн юм. В.Путины энэ үйлдэл нь Крым дэхь нөхцөл байдлыг хүчээр шийдэж, жирийн иргэдийн амь насанд аюул занал учруулж байна гэж батлан хамгаалахын сайд шүүмжилжээ. Өнгөрсөн Бямба гаригт ОХУ-ын төрийн думаас шаардлагатай тохиолдолд цэргийн хүч ашиглах болно гэдгийг санал нэгтэй баталсан юм.