Саудын Арабын нийгмийн зүтгэлтэн эмэгтэйчүүд шашны сургаалд хөтлөгдөн эмэгтэйчүүдийн эрхийг зөрчиж буйг шүүмжилж байна. Тэд эрэгтэйчүүд эмэгтэйчүүдийг хянах явдлыг бүр мөсөн төгсгөл болгохыг шаарджээ. Саудын Арабад лалын шашны хуулиар асран хамгаалагч эрчүүдийн зөвшөөрөлгүйгээр эмэгтэйчүүдийн ажиллаж, аялахыг хориглодог. Мөн эмэгтэйчүүдийн машин жолоодох болон эрэгтэйчүүдийн зөвшөөрөлгүйгээр иргэний үнэмлэх авахыг зөвшөөрдөггүй цорын ганц улс юм. Өнгөрсөн оны 10-р сард эмэгтэйчүүд машин жолоодох эрхийнхээ төлөө тэмцсэн ч энэ саналыг нь хүлээн аваагүй ажээ. Эмэгтэйчүүд хагалгаа хийлгүүлэх, тэр ч бүү хэл оюутны хотхондоо хэдэн цагаар суралцахаа эрэгтэйчүүдээр заалгуулдаг юм. Саяхан тус улсын Рияд их сургуульд анхны тусламж хүргэхийг хориглодог тул жирэмсэн оюутан хотхондоо хүүхдээ төрүүлэх гэж байгаад амиа алдсан хэрэг гарчээ. Лалын шашны ёсоор эрэгтэй, эмэгтэй хүмүүсийг тусгаарладаг тул оюутан эмэгтэйчүүд ингэж хохирох нь цөөнгүй.