НАТО-гоос ОХУ-ын эрх баригчид Украинд цэрэг байршуулсан нь олон улсын хууль дүрмийг зөрчиж байгаа явдал гэдгийг санууллаа. Мөн Оросын парламент хүч хэрэглэж байгаад санаа зовниж байна гэжээ. Брюселль хотноо болсон НАТО-гийн элчин сайдуудын шуурхай хуралдааны дараа Украинд хүч хэрэглэхээ зогсоохыг Оросын эрх баригчдад анхааруулсан байна. Мөн талууд харилцан зөвшилцөлд хүрэхээс нааш хүч хэрэглэж болохгүй гэсэн байна. НАТО-гийн нарийн бичгийн дарга Андерс Фог Расмуссен Крымийг эзлэн авахын төлөөх Оросуудын түрэмгийлэл нь Европын энх тайванд заналхийлж байгааг онцолсон байна.