Барууныхан түрэмгийллээ зогсоохыг шаардаж байгаа ч ОХУ-ын эрх баригчид Крым дэхь цэргийн хүчээ зузаатгаж байна. Украинчууд автономит мужаа Оросын түрэмгийллээс хамгаалахаар олон улсын тусламж дэмжлэг аваад байгаа билээ. Украинчууд ерөнхийлөгч Виктор Януковичийг түлхэн унагасны дараа Оросууд Крым дэхь өөрсдийн ашиг сонирхлоо хамгаалах сонирхолтой байгаагаа илэрхийлсэн юм. “BBC” агетнлагийн Крымийн нийслэл Севастополь хотод суугаа тусгай сурвалжлагч Марк Ловен Оросууд гал нээгээгүй байгаа ч бүрэн зэвсэглэсэн гэж мэдээлжээ. Оросын онгоцууд Хар тэнгист үзэгдэх болсон бөгөөд зарим газруудын утасны сүлжээ хаагдсан гэнэ. Украинчууд хямралыг шийдвэрлэхийн тулд олон улсын дэмжлэг авч байгаа ч Оросууд хэлэлцээр хийх дургүй байгаа гэж шинжээчид үзэж байна. Оросын түрэмгийлэл ихсэх тусам Украинчууд газар нутгаа хамгаалах болно гэж мэдэгдсэн билээ. Сүүлийн 200 гаруй жил Оросын ноёрхолд байсан Крымыг Москвагийн эрх баригчид 1954 онд буюу Зөвлөлт засаглалын үед Украинд шилжүүлэн өгсөн түүхтэй. Энэ шийдвэрийг Крымийн Орос үндэстнүүд түүхэн алдаа гэж үздэг байна.