АНУ-ын ерөнхийлөгч Барак Обама ОХУ-ын эрх баригчид Украины Крымд цэргийн хүч ашиглаж байгаа явдлыг эсэргүүцэж байна. Тэрээр эдийн засгийн салбар, дипломат харилцааны хувьд Оросоос хөндийрөх алхмуудыг хэрэгжүүлнэ гэдгээ мэдэгджээ. Ингэснээр Оросын эдийн засаг төдийгүй, дэлхийд эзлэх байр сууринд сөрөг нөлөө үзүүлэх болно гэжээ. Обама Цагаан ордонд Израйлийн ерөнхий сайд Бенжамин Нетяньхуг хүлээн авч уулзах үеэрээ сэтгүүлчдэд ингэж ярьсан байна. Өнгөрсөн бямба гаригт ОХУ-ын ерөнхийлөгч Владимер Путин Обаматай утсаар ярихдаа Крымд амьдарч буй Орос иргэдийнхээ ашиг сонирхлыг хамгаалах эрхтэй гэж хэлжээ. Харин АНУ-ын төрийн нарийн бичгийн дарга Жон Керри өчигдөр Украины нийслэл Киевт айлчлахдаа Оросуудын эсрэг бизнес худалдаа, визийн хориг тавих саналтай байгаагаа илэрхийлжээ.