Украины оргон зугтсан ерөнхийлөгч Виктор Янукович зүрхний шигдээсээр нас барсан гэж эсэргүүцлийн цуглаанд оролцогч Михайл Лебедевь Фэйсбүүк хуудсаар дамжуулан мэдээлжээ. Михайл энэ мэдээллийг Оросын Ростов хотын эмнэлэгт ажилладаг найзаасаа авсан хэмээн “Правда” сонин онцолсон байна. “Янукович  энэ сарын 3-ны 23 цагт зүрхний шигдээсээр өвдөж, эмнэлэгт хүргэгдээд нэг цагийн дараа нас барсан” хэмээн Михайл ярьжээ. Энэ мэдээлэл Фэйсбүүк хуудсанд цацагдсаны дараа интернэт хэрэглэгчдийн дийлэнх нь төөрөгдүүлсэн, худал мэдээлэл гэж үзсэн байна. НҮБ-ын аюулгүйн зөвлөлийн хуралдаан дээр Виктор Янукович В.Путинд захидал бичсэн гэж мэдээлсэн юм.