Төрсөн өдрөө тэмдэглэж буй дэлхийн сая сая хүн “Happy Birthday” дууг дуулж хэвшжээ. 1924 оны энэ өдөр танил болсон уг аялгууг Америкийн бага сургуульд анх дуулсан цагаас хойш бүх цаг үеийн хамгийн их ашиг олсон дуу болсон юм. “Warner Music” компани зохиогчийн эрхийг нь эзэмшдэг бөгөөд 1988 онд 2 сая долларын ашиг олж байсан гэдэг. Төрсөн өдрөө тэмдэглэж буй алдартнууд энэ компанид хагас зуун жил гаруй төлбөр төлж иржээ. Уолт Дисней компани Мартин Лютер Кингийн мэндэлсэн өдрийн ойн парадыг тэмдэглэхдээ энэ дууг эгшиглүүлэхийн тулд 5000 доллар төлж байсан аж. Төрсөн өдрийн дууг 1911 онд эгч дүү хоёр зохиосон юм. Анхандаа төрсөн өдрийн тухай биш, өглөөний мэнд хүргэе гэсэн утгатай дуу байжээ. Ингээд дууны үгийг өөрчилж 1924 онд анх удаа студид бичүүлжээ.