ОХУ-ын ерөнхийлөгч Владимер Путин Украины улс төрийн хямралын асуудлаар байр сууриа илэрхийлсэн нь олон улсын анхаарал татаж байна. Тэрээр ерөнхийлөгч асан Виктор Януковичийг ОХУ-д орогнуулаагүй бол Украинчуудын гарт амиа алдах байсан гэж хэлсэн юм. Мөн Януковичийн “Бүс нутгийн нам”-ын байранд хоёр инженерийг нь олны нүдэн дээр буудаж, өөр нэг хүнийг зооринд аваачаад дээрээс нь коктейл асгаж байгаад амьдаар нь шатаасан тухай ярьсан байна. Украинд ийм хүчирхийлэл, гэмт хэрэг газар авсаар байхад Крым дэхь Оросын ард иргэдээ хамгаалж, цэрэг оруулах нь зөв алхам гэж В.Путин тайлбарлажээ. В.Путин АНУ-ын эрх баригчдыг Афганистан, Ирак, Ливид олон улсын хууль тогтоомжийг зөрчин цэргийн ажиллагаа явуулж байсныг дурдсан байна. “АНУ-ын эрх баригчид үргэлж өөрсдийн ашиг сонирхлыг бусдад тулгаж, өөрсөдтэй нь нэгдээгүйг нь нэгдэх хүртэл нь балбаж байгаа юм даа” гэж Путин хэлжээ.