Хойд Солонгосын удирдагчдын хатуу бодлогын уршгаар 33 хүн цаазлуулахаар болоод байна. Эдгээр хүмүүсийг Өмнөд Солонгосын Христийн шашинтнуудтай холбоо тогтоож, сүм байгуулах мөнгө авсан хэмээн буруутгажээ. Энэ талаар шашны номлогч Ким Жон-Ук хэвлэлийн бага хурал зарлаж мэдэгдсэн байна. Тэрээр өнгөрсөн онд Хятадаас Хойд Солонгост нэвтэрч, Библи болон Христийн шашныг сурталчилсан материал тараасан хэргээр баривчлагдан хоригдож байсан ажээ. Ким Чен Уны захиалгаар Хятадад Хойд Солонгосын тагнуулууд ажиллаж, Пхеньянд лалын шашин дэлгэрүүлэх гэж байгаа хүмүүсийг хулгайлдаг тухай тэрээр ярьсан байна. Хэвлэлийн бага хурлын үеэр ноён Ким Хойд Солонгосын удирдагчид уг ажиллагааг хэрэгжүүлдэг хүмүүстэй утсаар ярьж байгаа бичлэгийг харуулжээ. Өнгөрсөн оны сүүлээр Ким Чен Ун авга эгчийнхээ нөхөр Чан Сон Тэкийг цаазлахдаа түүний бүх хамсаатнуудыг устгасан гэдэг мэдээлэл үнэн болохыг ноён Ким батална гэж хэлсэн байна.