ОХУ-ын ерөнхийлөгч Владимер Путин Украйны Крымийн хойгт цэргээ оруулсаны дараагаар дэлхийн удирдагчид түүнийг буруушааж, яаралтай хуралдаануудыг зохион байгуулж Оросын эсрэг хүч түрж эхэлсэн билээ. Тэгвэл Хятадын удирдагч Ши Жин Пиний дэмжлэгийг хүлээх нь Путины хувьд олимпийн найдвар болжээ. Өчигдөр тэрээр Ши Жин Пинтэй утсаар ярилцаж, Украинд цэрэг оруулахаас өөр аргагүй болсон тухайгаа мэдэгдсэн байна. Харин Ши Жин Пин Украины асуудал ээдрээтэй, төвөгтэй болж байгааг онцлоод Путиныг гэнэтийн алхам хийх зайлшгүй шаардлагатай болсон гэжээ. Тэрээр мөн “Бүс нутаг болоод дэлхийн энх тайван байдалд заналхийлж буй асуудлыг шийдвэрлэнэ гэж найдаж байна. Хурцадмал байдлыг намжаахын тулд олон улсын хэм хэмжээний дагуу саналаа дэвшүүлж, зуучлагчийн үүрэг гүйцэтгэнэ” гэж хэлсэн байна. Ингээд Хятадын удирдагч Оросыг дэмжээ ч үгүй, буруутгаа ч үгүй юм. Хятад улс Украинтай өнгөрсөн онд 10 тэрбум долларын гэрээ байгуулсан бөгөөд хоёр дахь том түнш улс нь юм. Гэхдээ Украинд хямрал нүүрлэсэн нь эдийн засгийн хувьд ашигтай гэж зарим судлаачид тайлбарладаг. Тэгэхээр Украинтай харилцаа сайтай Хятад улс ОХУ-ыг дэмжих болов уу?