Аргентины цагдаа нар арьсан дороо хар тамхи нууж Европын хилээр нэвтрүүлэхийг завдсан хэргийг илрүүлжээ. Испанийн хоёр иргэн, Аргентины таван иргэн хамтран 14 кг кокаиныг хувааж нуусан байна. Тэд шахмал кокаиныг арьсан дороо наалдуулсан бөгөөд тус бүртээ хоёр килограммыг зөөвөрлөж явжээ. Өнгөрсөн онд Их Британийн цагдаа нар Аргентинаас оруулж ирсэн хөлдүү мах ачсан чингэлэг дотроос 400 кг кокаин илрүүлж байсан юм. Сүүлийн жилүүдэд нийслэл Буэнос-Айрес хотод экстаси хэмээх хар тамхийг наймаалах явдал ихэсч байгааг үндэсний аюулгүй байдлын зөвлөлийн нарийн бичгийн дарга Сергио Берни анхааруулжээ. Тус улсын цагдаа нар зургаан сар явуулсан мөрдлөгөөр 24 кг кокаин, 40-50 мянган шахмал экстасиг хураан авсан байна.