АНУ-ын Нью-Иорк хотноо төвтэй “Yarieh” гэх сэтгүүл дэлхийн амьдрахад хамгийн хэцүү хотуудыг нэрлэжээ. Тэгэхдээ байгаль цаг уур, эдийн засаг, хөгжил, хүн амын амжиргаа гээд хэд хэдэн зүйлийг үндэс болгосон байна. Тэдний дунд нийслэл хотын минь багтсан байх юм. Танд дэлхийн хамгийн "хэцүү" хотуудыг "Yarieh" сэтгүүлийнхний нэрлэснээр танилцуулж байна.

Энэ бол дэлхийн хамгийн хүйтэн хотын нэгээхэн дүр зураг. Хойд хөрш ОХУ-ын Якутск хот. Харьцангуй чийгшил 75 хувьтай хэрнээ өдөртөө 35 хэм хүрч хүйтэрдэг энэ хотод 270 мянган иргэн оршин суудаг. ОХУ-ын Алс Дорнодод, Тундрын бүсэд байдаг.

Харин дэлхийн хамгийн халуун хот Австралид байдаг аж. Аделайде гэх энэ хотыг НҮБ-ын Дэлхийн цаг уурын байгууллагаас хамгийн халуун хот гэж өнгөрсөн нэгдүгээр сард зарласан байна. Энэ хот нь Австралийн тав дахь том хот юм.

Туркийн Истанбул хот бол газар хөдлөлтөд нэрвэгдэх хамгийн өндөр магадлалтай хот. 14.1 сая хүн амьдардаг энэ хот нь Еврази болон Африкийн тектоник хавтангийн зааг дээр сүндэрлэдэг юм.

Гондурасын Сан Педро Сула хот бол 2013 онд дэлхийд хамгийн хүн амины хэрэг бүртгэгдсэн хот юм. Тус улсын баруун хойд бүсэд байх энэ хотын төв захиргаанд 873,824 иргэн бүртгэлтэй байдаг гэнэ.

Бүгд Найрамдах Ардчилсан Конго улсын Киншаса хот бол дэлхийн хамгийн их ядууралтай хот. Гэвч нь 9 сая хүн амтай энэ хот Кайро, Лагосын дараа орох Африкийн гурав дахь том хот юм. Гэмт хэргийн гаралтаараа ч Африкт дээгүүр бичигддэг. 100 мянган хэрэг тутмын 112 нь аллага байдаг хамгийн аюултай хотын нэг юм.

Бангладешийн Дхака хотод өдөртөө 400,000 унадаг дугуйн хөслний тэрэг холхидог. Энэ хотыг дэлхийн "Дугуйн тээврийн нийслэл" гэж хэлж болно. 15 сая илүү хүн ам нь ч хотынхоо даах ачааллаас хэд дахин хэтийдсэн тоо. 

Дэлхийн хамгийн бохирдолтой хотын нэг нь Ахваз. Ираны баруун хэсэгт байх энэ хотод хүнд үйлдвэрлэл хөгжсөн бөгөөд 3 сая хүн амьдардаг гэнэ. Ираны газрын тосны ихэнх нь энэ бүс нутагт байдаг аж.

Хамгийн бохирдолтой хотоор хоёр ч хотыг нэрлэсний нэг нь Монгол Улсын нийслэл Улаанбаатар юм. Чухамхүү яагаад хоёр хот нэрлэснийг, энэ хоёр хотын аль нь илүү бохирдолтойг тэд дурдсангүй. Зөвхөн "Оросын Транс Сибирийн төмөр зам, Хятадын төмөр замын уулзвар болдог, Монголын зам харилцааны төв. 1 сая хүн амьдардаг" гэж бичжээ.

24tsag.mn