239 зорчигчтой Малайзын агаарын тээврийн "Боинг 777-200ER" онгоцноос холбоо тасраад хоёр хонож байна. Куала Лампур хотоос Бээжингийн чиглэлд нисч явсан онгоцны радио холбоо тасарсан бөгөөд Азийн хэвлэлүүдээр аль хэдийнэ сүйрсэн гэж мэдэгдсэн билээ. Онгоц Вьетнамын зүүн хэсэгт орших тэнгист унасан гэж таамаглаж байгаа учраас тэндээс ул мөр нь олдоно гэж үзэн эрлээ үргэлжлүүлж байна. Тхо Чу арлаас 60 гаруй километрийн зайтай хоёр эвдэрхий зүйл харагдсан нь Малайзын онгоц байж магадгүй гэнэ. Эрэн хайх ажиллагаанд есөн орны 40 хөлөг, 34 агаарын онгоц ажиллаж байгаа ч Малайзын онгоцонд юу тохиолдсон талаар ямар нэгэн таамаглал дэвшүүлж чадаагүй байгаа ажээ. Зорчигчдын мэдээллийн санг шалгаж үзэхэд хуурамч бичиг баримттай хоёр хүн явсан нь сэжиг төрүүлж байгаа юм. Онгоцонд 14 орны 222 хүн зорчиж явсан бөгөөд үлдсэн нь нисэх багийнхан байжээ. Малайзын агаарын тээвэр нь өдөрт дэлхийн 80 гаруй чиглэлд 37 мянган зорчигчод үйлчилдэг Азийн хоёр дахь том сүлжээ юм.