Хойд Солонгост таван жил тутамд нэг удаа болдог парламентын гишүүдийг батлах сонгууль эхэлсэн талаар Ардын дээд ассамблей мэдэгджээ. Тус улсын 687 дүүрэгт зөвхөн нэг намын нэр дэвшигчид өрсөлдөж, сонгогчид “Тийм” эсвэл “Үгүй” гэсэн хариултаас сонголтоо хийнэ. Пхеньян хотын гудамжинд “Тийм” гэдгийг сонгоно уу? хэмээн уриа лоозон байрлуулжээ. Энэ сонгуульд нэр дэвших нь дээд албан тушаалд томилогдох том боломж гэж үздэг. Өнгөрсөн 2009 оны сонгуулиар сонгогчид 99 хувьтай саналаа өгч, нэр дэвшигчид 100 хувь дэмжлэг хүлээжээ. Энэ удаагийн парламентын сонгууль нь Ким Чен Уныг засгийн эрхэнд гарсанаас хойш анх удаагаа зохион байгуулагдаж буй гэдгээрээ онцлогтой. Ким Чен Ун эцэг Ким Чен Ирийн төрсөн нутгаас нэр дэвшиж, намынхаа ухуулга, сурталчилгааг хийжээ. Пхеньян хотын гудамжинд тоглолт болж, сонгууль баяр ёслолын байдалтай эхэлсэн байна. Ийнхүү Хойд Солонгосчууд коммунист нийгэм байгуулахын төлөө саналаа өгч эхэллээ.