2050 он гэхэд дэлхийн хүн ам 10 орчим тэрбумд хүрч, хүнсний хэрэгцээ 70 хувиар нэмэгдэнэ гэсэн тооцоолол бий. Энэ үед хүмүүс байгалийн нэгэн шавхагдашгүй нөөцийг хүнсэндээ хэрэглэхээс өөр аргагүй болох аж. НҮБ-ын Хүнс хөдөө аж ахуйн байгууллага хүнсэнд хэрэглэж болох шавьж хорхойг үйлдвэрийн аргаар боловсруулан зах зээлд гаргах явдлыг дэмжсэн тогтоол гаргасан юм. Дэлхий дээр 2 тэрбум гаруй хүн ямар нэг хэмжээгээр шавьж хорхойг хүнсэндээ хэрэглэдэг ажээ. Олон сая шавьжны төрөл зүйлээс 2000 орчим төрөл зүйлийн шавьжийг хүнсэнд шууд хэрэглэж болдог ажээ. Эдгээр нь царцаа, зарим төрлийн ялааны өт, эмгэн хумс шавьж зэрэг юм. Үхрийг олон сар, жил өвс, ургамлаар тэжээж махыг нь хүнсэндээ хэрэглэдэг бол хорхой, шавьжийг үржүүлэхэд тийм ч хэцүү биш гэнэ.