2012 онд Монголд чацаргана үйлдвэрлэгчдийн бүтээгдэхүүнүүдээс дээж авч Японд аваачиж, лабораторын нарийн шинжилгээнд оруулахад ШарДоктор компанийн бүтээгдэхүүн өндөр үзүүлэлттэй гарсан байна.

Ингээд 2012 оны 06 сараас хойш Японд ШарДокторын Чацарганыг импортлож эхэлснээс хойш 10 орчим тонн цэвэр шүүс, 300 орчим кг тос Монголоос Японд экспортонд гарчээ.
Хэдийгээр энэ бага тоо ч гэсэн Монголоос гадаад оронд гарч буй хүнсний бүтээгдэхүүний нэр төрлийг нэмж, цаашид экологийн цэвэр бүтээгдэхүүн үйлдвэрлэгч орон гэдэг нэр хүнд ,түүнчлэн тогтмол экспортын орлогын эх үүсвэрийг бий болгож байгаа юм.

2012 онд МХАҮТ, Чацарганы холбооны шугамаар холбогдсон Япон улсын Такаражима Жапан компани ШарДоктортой бүтээгдэхүүн экспортлож дистрьюбиторын үүрэг хүлээхээр тохиролцож, YellowDoctorJapan гэсэн брендийг Японд  таниулах ажлыг эхлүүлсэн. 2013 оны 03 сарын 04-08 хооронд болсон Foodex Japan 2013 Японд импортлогдож буй хүнсний бүтээгдэхүүний үзэсгэлэнд  ШарДоктор бренд амжилттай оролцсон. ШарДоктор компани япон дахи дистрьюбитор YellowDoctorJapan компанитайгаа хамтран урт хугацааны бэлтгэл ажлын төлөвлөгөө гаргаж, хэрэгжүүлж эхлээд байна. Уг компани нь Цукуба хэмээх Япон улсын судалгаа шинжилгээний төв болсон хотод байрладаг бөгөөд анхны брендийн дэлгүүр, шоп-г Цукуба-д нээсэн бөгөөд, чацарганы тос, шүүсний талаар бодитой, үндэслэлтэй туршилт судалгаануудыг хийсэн.Энэ судалгаа шинжилгээнүүд маш амжилттай сайн байсан учраас уг ажлыг эхлүүлээд байгаа юм.Эхлээд ашиг олохдоо гол нь биш эхний 2-3 жилд бүтээгдэхүүнийхээ бат бөх брендийг японд бий болгохоор зорьж ажиллаж байна.Ингэхийн тулд олон ажлыг хэрэгжүүлж эхлээд байгаа.Жишээлбэл: Монгол оронд дуртай болгох, таниулах зорилгоор өөрсдийн  чацаргана шоп-д 7 хоног бүр 2-3 удаа төрөл бүрийн арга хэмжээ зохиож, чацаргана уулгаж танилцуулах, санал сэтгэгдэл авах гэх мэт.

Түүнчлэн Монгол оронд чацаргана яаж ургадаг, яаж үйлдвэрлэдэг гэдгийг очиж үзэх сонирхолтой хүмүүс нэмэгдэж байна.Энэ нь чацарганыг Аялал жуулчлалтай холбох боломж бөгөөд мөн сайн ,чанартай бүтээгдэхүүн үйлдвэрлэснээр Монголын аялал жуулчлалтай холбоотой бүтээгдэхүүний нэр төрлийг нэгээр нэмж байгаа юм.
Шар Докторын үйлдвэрлэсэн шилтэй 750 мл, 330 мл-ийн жүүс, 100мл, 50мл-ийн тос, зэрэг бүтээгдэхүүнүүдийг гадаадын жуулчид, зочид төлөөлөгчид, найз нөхөддөө бэлэглэхэд нэн тохиромжтой бөгөөд архинаас өөр шинэ төрлийн эрүүл мэндийн бүтээгдэхүүн гэдгээрээ онцлогтой.
Мөн Монголын бизнесмен, аялагч, гадаадад зорчигчид найз нөхөд хамаатан садандаа бэлэглэх боломжтой юм.
Ийм учраас Монголын аялал жуулчлал эрхлэгч аж ахуйн нэгж, ард түмэнд үндэсний цэвэр үйлдвэрлэлээ дэмжин ажиллахыг уриалж байна.