Куала Лампур хотоос Бээжингийн чиглэлд нисч явсан 239 зорчигчтой онгоц ор сураггүй алга болоод байгаа билээ. Зорчигчдын гуравны хоёр нь Хятадын иргэд юм. Тиймээс ч Хятадын гадаад хэргийн сайдын төлөөлөгч эрэл хайгуулаа эрчимжүүлэхийг Малайзын эрх баригчдаас шаарджээ. Онгоц алга болоод гурав хонож байхад ямар ч мэдээлэлгүй байгаа нь хариуцлагагүй үйлдэл гэж Хятадын эрх баригчид үзэж байна. Одоогоор алга болсон зорчигчдын ар гэрийнхэн Бээжин хотын зочид буудлын гадна цугларч, мэдээ ирэхийг тэсэн ядан хүлээж байна.