Өчигдөр Оросын дүрэмт хувцастай цэргүүд Украины ахмад дайчид, цэргүүдийн эмчлүүлж буй эмнэлгийг бүсэлсэн байна. Цэргийн эмнэлгийн өвчтөнүүдийн заримынх нь биеийн байдал тун хүнд байсан гэнэ. Гэмт этгээдүүд эмнэлгийн даргыг автобусанд хүчээр оруулж, нэг цаг орчим хорьжээ. Мөн Оросын цэргүүд Симферополь болон Севастополь хотын дунд орших авто тээврийн баазыг эзлэн авахыг завдсан байна. Өнгөрсөн ням гаригт Украины талыг дэмжигчид Крым хотноо жагсаал цуглаан зохион явуулах хооронд Оросын талыг дэмжигчид зүүн хэсэгт орших Луганская хотын барилгуудыг эзэлж, амбан захирагчийг нь огцруулахыг шаардсан байна. ОХУ-ын ерөнхийлөгч Владимер Путин Крымийг хамгаалж, засгийн эрхийг олон улсын хууль дүрмийн дагуу авах алхам хийсэн гэж мэдэгджээ. Харин Германы канцлер Ангела Меркель Путинтай утсаар ярилцаж, Крымийн бүх нийтийн санал асуулга хууль бус гэдгийг сануулсан байна.