Турк улсад өнгөрсөн зун ерөнхий сайд Реджеп Тайип Эрдоганыг огцрохыг шаардсан тэмцэл өрнөж, жагсагчдын эсрэг хүч хэрэглэсэн юм. Энэ үеэр нулимс асгаруулах хийнд өртөж, комд ороод байсан 15 настай хүү Беркин Элван нас баржээ. Тэрээр 9 сар комд байхдаа 16 кг турсан аж. Жагсагчид хүүгийн үхэлд Реджеп Тайип Эрдоганыг буруутгаж байна. Тэд гудамжинд Беркин Элваны шарилыг зөөж явахдаа “Фашист Засгийн газрын Эрдоган бол алуурчин” хэмээн хашгирч байв. Туркийн ерөнхийлөгч Абдулла Гюль хүүгийн эцэгтэй утсаар ярьж, эмгэнэж буйгаа илэрхийлжээ. Ийнхүү 15 настай хүүгийн үхэл ерөнхий сайдыг огцруулахын төлөө ширүүн тэмцэлд дуудаж, Турк орон тогтворгүй болж эхэллээ. Элван хүүгийн эмчлүүлж байсан эмнэлгийн гадна жагссан хүмүүсийг тараахын тулд цагдаа нар нулимс асгаруулах хий цацсан гэсэн мэдээлэл байна. Засгийн газар ийнхүү хүч хэрэглэж байгаа ч ямар ч хариуцлагагүй хүлээдэггүй хэмээн жагсаалд оролцогчид ярьжээ. Анкара, Станбул хотноо жагсаж буй хүмүүсийг цагдаа нар хүчээр тарааж байгаа гэнэ. Эрдоган болон түүний хамсаатнууд улсын мөнгийг хэрхэн шамшигдуулж байгаа тухай утасны яриа олон нийтэд дэлгэгдсэний дараа уг хэргийг 100 гаруй мөрдөгчид шалгаж эхэлжээ. Туркт гурван сар гаруйн дараа бүх нийтийн сонгууль явагдах бөгөөд 11 жил төрийн эрхийг барьсан ерөнхий сайд Эрдоган ширүүн өрсөлдөнө гэсэн таамаглал бий.
Турк улсад өнгөрсөн зун ерөнхий сайд Реджеп Тайип Эрдоганыг огцрохыг шаардсан тэмцэл өрнөж, жагсагчдын эсрэг хүч хэрэглэсэн юм. Энэ үеэр нулимс асгаруулах хийнд өртөж, комд ороод байсан 15 настай хүү Беркин Элван нас баржээ. Тэрээр 9 сар комд байхдаа 16 кг турсан аж. Жагсагчид хүүгийн үхэлд Реджеп Тайип Эрдоганыг буруутгаж байна. Тэд гудамжинд Беркин Элваны шарилыг зөөж явахдаа “Фашист Засгийн газрын Эрдоган бол алуурчин” хэмээн хашгирч байв. Туркийн ерөнхийлөгч Абдулла Гюль хүүгийн эцэгтэй утсаар ярьж, эмгэнэж буйгаа илэрхийлжээ. Ийнхүү 15 настай хүүгийн үхэл ерөнхий сайдыг огцруулахын төлөө ширүүн тэмцэлд дуудаж, Турк орон тогтворгүй болж эхэллээ. Элван хүүгийн эмчлүүлж байсан эмнэлгийн гадна жагссан хүмүүсийг тараахын тулд цагдаа нар нулимс асгаруулах хий цацсан гэсэн мэдээлэл байна. Засгийн газар ийнхүү хүч хэрэглэж байгаа ч ямар ч хариуцлагагүй хүлээдэггүй хэмээн жагсаалд оролцогчид ярьжээ. Анкара, Станбул хотноо жагсаж буй хүмүүсийг цагдаа нар хүчээр тарааж байгаа гэнэ. Эрдоган болон түүний хамсаатнууд улсын мөнгийг хэрхэн шамшигдуулж байгаа тухай утасны яриа олон нийтэд дэлгэгдсэний дараа уг хэргийг 100 гаруй мөрдөгчид шалгаж эхэлжээ. Туркт гурван сар гаруйн дараа бүх нийтийн сонгууль явагдах бөгөөд 11 жил төрийн эрхийг барьсан ерөнхий сайд Эрдоган ширүүн өрсөлдөнө гэсэн таамаглал бий.
