АНУ-ын ерөнхийлөгч Барак Обама Украины шилжилтийн Засгийн газрын ерөнхий сайд Арсений Яценюктай Цагаан ордонд уулзах үеэрээ “Украинтай хамт байх болно” гэж амлажээ. Тэрээр мөн Оросууд Крымээс цэргээ гаргахгүй бол олон улсын байгууллагууд албадан шахалт үзүүлэх болно гэдгийг В.Путинд анхааруулсан байна. Харин Арсений Яценюк “Украин хэзээ ч оросыг аялдан дагахгүй. Олон улсын гэрээг зөрчсөн түрэмгий үйлдэл 21-р зуунд гаргахыг хэзээ ч хүлээн зөвшөөрөхгүй” гэжээ. Крымийн парламент энэ сарын 16-нд ОХУ-д нэгдэх асуудлаар бүх нийтийн санал асуулга зохион явуулахаар болсоныг барууныхан эсэргүүцэж байгаа билээ. Обама энэ санал асуулгын эсрэг байр суурьтай байгаа бөгөөд Украины ирээдүйд сөрөг нөлөөтэй гэж хэлжээ. Яценюк Вашингтонд айчлах үеэрээ АНУ-аас 1 тэрбум долларын зээл авахаар болсон байна.