Ливийн ерөнхий сайд Али Зейданыг парламентын санал хураалтаар огцруулах шийдвэр гаргасны дараа тэрээр эх орноосоо зугтаж, Европт очжээ. Зейданыг улсын мөнгө шамшигдуулсан гэж сэжиглэж байгаа тул гадаад улс оронд зорчихыг хориглоод байсан юм. Зейданы Засгийн газар Ливийн төрийн эрхийг 42 жил барьсан Муаммер Каддафийн дэглэм нуран унасны дараа эрх мэдлээ ашиглан зэвсэггүй дайчдын үйл ажиллагааг сулруулж байна хэмээн удаа дараа шүүмжлэлд өртөж байжээ. Ерөнхий сайд Али Зейдан өнгөрсөн оны аравдугаар сард нийслэл Триполь хотод зэвсэгт цэргүүдийг өөрийнхөө талд хүчээр ажиллуулж байсан гэдэг. Өнгөрсөн зун Ливийн зүүн хэсэгт орших гурван боомтыг босогчид бүслэн авч, газрын тосны орлогыг нийтэд хуваарилахыг шаардсан юм.