Нэг хэсэг Монгол цагаан толгойгоос дөрвөн үсэг хасагдах нь гэсэн яриа гарч, олон нийтийн дургүйцлийг төрүүлээд байсан. Харин үсэг хасах санал гаргах “мода” Орост ч халдсан бололтой.  “Европын ямар ч хэлэнд “ы” үсэг байдаггүй. Дуудлага нь онцгүй, араатнууд л “ы-ы” гэж ярьдаг” хэмээн Оросын Либераль ардчилсан намын тэргүүн Владимир Жириновский хэлжээ. Тэрээр Орос цагаан толгойноос “ы” үсгийг хасах санал гаргасан байна. “Энэ муухай үсгийг хасч хаях хэрэгтэй. Ази гаралтай энэ үсгээс болж Европчууд бидэнд дургүйлхдэг. Энэ үсэг манай цагаан толгойд монголчуудаас орж ирсэн” гэж Жириновский тайлбарласан байна.