Хятадын өмнөд хэсэгт орших Хунань мужийн Чангша хотын гудамжинд хутга барьсан эрэгтэй хүн энгийн иргэд рүү дайрсан хэрэг гарчээ. Хэргийн улмаас гурван хүн нас барсан талаар Синьхуа агентлаг онцолсон байна. Хутгатай этгээдийг зогсоох ажиллагаанд цагдаагийнхан бүрэн бүрэлдэхүүнээрээ оролцжээ. Ингээд хэрэгтнийг газар дээр нь буудан хөнөөсөн байна. Энэ сарын 1-ний өдөр Хятадын Юнань мужид хутга барьсан найман этгээд 29 хүнийг хөнөөж, 143 хүнийг шархдуулсаны улмаас нийгэмд үүссэн айдас арилаагүй байхад ийнхүү дахин нэг хэрэг гарчээ. Чангша хотын хэвлэлд мэдээлсэнээр дээрх халдлага нь террорист үйлдэл биш, маргаанаас үүсэлтэй ажээ.