Сүхбаатар дүүргийн 11-р хороо "Шилэн дэлгүүр"-ийн урд үл таних хүмүүс зодуулж, дээрэмдүүлсэн гэх мэдээллийг цагдаагийн байгууллагад өгсөн. Энэ дуудлагын дагуу цагдаагийн байгууллага очиж шалгахад Орхон аймгийн Баян Өндөр сумын оршин суугч 53 настай эрэгтэй Л гэгчийг МУИС-ын хоёрдугаар дамжааны оюутан 25 настай эрэгтэй Ч гэгч нь бусадтай бүлэглэн зодож, 150 мянган төгрөг дээрэмдэн авсаныг нь илрүүлэн Сүхбаатар дүүргийн цагдаагийн хоёрдугаар хэлтэс дээр шалгаж байна. Мөн Сүхбаатар дүүргийн 11-р хороо Хүүхдийн 2 дугаар эмнэлгийн автобусны буудал дээр дээрэмдүүлсэн гэх мэдээллээр цагдаагийн байгууллага түргэн шуурхай очиж шалгахад Сүхбаатар дүүргийн 7-р хороонд оршин суух 18 настай эрэгтэй А гэгчийн эд зүйлийг дээрэмдэн авсан хэргийг Сонгинохайрхан дүүргийн 9 дүгээр хороонд оршин суух 21 настай эрэгтэй Ч гэгч бусадтай бүлэглэн үйлдсэнийг нь илрүүлэн шалгаж байна. СХД-ийн 7-р хороонд оршин суух 27
настай эрэгтэй У-гийн гэрт хууль бусаар нэвтрэн орж эд зүйл хулгайд
алдагдсан гэх мэдээллийг өгсөний дагуу шалгалтын ажиллагаа хийхэд
СХД-ийн долдугаар хороонд оршин суух 30 настай эрэгтэй Э гэгч нь "LED"
маркийн зурагтыг хулгайлсаныг нь илрүүлэн СХД-ийн цагдаагийн хоёрдугаар
хэлтэст шалгаж байна.
Энэ мэт хэрэг гарсан даруйд цаг хугацаа алдалгүй дуудлага мэдээлэл өгсөн тохиолдолд гэмт этгээдийг барих бүрэн боломжтойг цагдаагийн байгууллагаас онцолж байна.Д.Ундрах /24tsag.mn/
