ОХУ-ын ерөнхийлөгч Владимер Путин Крымийг бие даасан засаг захиргаатай, тусгаар тогтносон улс мөн гэдгийг батласан тогтоол гаргасан талаар Кремлийн хэвлэлийн алба мэдээлжээ. Уг тогтоолд “2014 оны гуравдугаар сарын 16-нд болсон бүх нийтийн санал асуулгын дагуу Крымийн ард түмний хүсэлтийг харгалзан үзэж, Бүгд найрамдах Крым, Севастополь хот нь тусгай статустай, бие даасан засаг захиргаатай, тусгаар тогтносон улс мөн болохыг хууль ёсны дагуу мэдэгдэж байна” хэмээн дурджээ. В.Путин өнөөдөр Крымийг ОХУ-д нэгтгэх хүсэлтийг Севастополийн эрх баригчдад өргөн барих юм байна. Ингэснээр Украины Крымийн автономит муж ОХУ-ын бүрэлдэхүүнд орохоор болжээ. Барууны эрх баригчид Украины газар нутгийг хүчээр булаан авч байгаа дээрх үйлдэлд дургүйцэн ОХУ, Украины эрх баригчдын эсрэг хориг арга хэмжээ авч буйгаа зарлахтай зэрэгцэн Путин дээрх тогтоолоо гаргасан байна. Мөн АНУ хатуу арга хэмжээ авна хэмээн сануулж байгаа ч Путины үйлдлийг зогсоож чадахгүй бололтой.