Украины Крымийг Оросын удирдагчид өөртөө хүчээр нэгтгэж байгаад дургүйцсэн Америкийн эрх баригчид визийн хориг тавьж, гадаад дахь дансаар гүйлгээ хийхийг нь хориглосон юм. Америкчууд Орос, Украины төрийн дээд албан тушаалтай 11 хүнийг дээрх хоригт хамруулжээ. Гэвч энэхүү хориг нь ямар ч үр дүнгүй болохыг баталж, ерөнхийлөгч Владимер Путин Крымийг тусгаар тогтносон улс болсоныг зарласан байна. Оросын ерөнхий сайдын орлогч Дмитрий Рогозин Твиттер хуудаснаа өөрийн үзэл бодлоо илэрхийлжээ. Тэрээр “Гадаадад ямар ч дансгүй хүмүүс нь яах ёстой вэ? Эсвэл энэ талаар огт бодоогүй хэрэг үү?” гэж бичсэн байна. Америкчуудын тавьсан хориг арга хэмжээг Оросууд үл тоомсорлож байгааг энэхүү жишээ тод харуулж байна.