Крымийн хойгийг ОХУ-д нэгтгэсэний дараа Украинчууд цэргийн бааз руу дайрчээ. Үйл явдлыг нүдээр харсан гэрчүүдийн мэдээлж буйгаар зэвсэгт этгээдүүд Симперополь хотын цэргийн бааз руу дайран автомат буугаар гал нээсэн аж. Цэргийн баазад болсон энэхүү тулааны үеэр Украины залуу офицер амиа алдаж, хэд хэдэн цэрэг шархадсан байна. Энэ нь Крымд Оросууд хяналтаа тогтоосноос хойш хүний амь эрсэдсэн анхны тохиолдол юм. Украинчууд өөрсдийгөө хамгаалах зорилгоор цэргүүдээрээ гал нээлгэсэн гэж мэдэгдэж байгаа. Мөн дээрх дайралтыг хийх үеэр Оросын цэргүүд Украинчуудыг барьж аван зогсоохыг оролдсон гэжээ. Украины шилжилтийн Засгийн газрын ерөнхий сайд Арсений Яценюк “Крымийн зөрчил улс төрийн хүрээнээс хальж, цэргүүдийн хэмжээнд хүрлээ. Оросын цэргүүд Украинчуудыг буудсан нь дайны гэмт хэрэг” хэмээн мэдэгдсэн байна. Харин уг халдлагын үеэр Украины офицерээс гадна Оросын батлан хамгаалах хүчний нэг цэрэг амиа алдсан гэж Крымийн хэвлэлээр мэдээлжээ. Крымийн эзлэн түрэмгийлэл хүчирхийлэл дагуулж болзошгүй байгаа тул Европын холбоо, Их наймын орнууд ирэх долоо хоногт уулзалт зохион байгуулж, хямралыг шийдвэрлэх арга замын талаар ярилцахаар болжээ. Гэвч ОХУ-ын ерөнхийлөгч Владимер Путин барууны орнууд үргэлж дотоод асуудалд оролцож, хоёр нүүр гаргадаг хэмээн шүүмжилсэн хэвээр байна. Тэгвэл Украины ерөнхийлөгчийн үүргийг түр орлон гүйцэтгэгч Александр Турчинов "Оросын түрэмгий үйлдэл Нацист Герман Австри, Чехийн засгийн эрхийг булаасантай адил зүйл боллоо" хэмээн эсэргүүцжээ.