Европын холбооны удирдагчид Крымийн бүх нийтийн санал асуулга хууль бус учир ОХУ-д хүчээр нэгтгэхийг зөвшөөрөхгүй гэдгээ дахин мэдэгджээ. Тиймээс Европын орнууд Оросын эсрэг хариу арга хэмжаа авахаар болоод байгаа билээ. Энэ хооронд Владимер Путин болон Крымийн удирдагчид Севастополь хотын засаг захиргааг ОХУ-д нэгтгэж, газар нутгийнх нь нэг бүрэлдэхүүн хэсэг гэдгийг баталсан юм. В.Путин АНУ тэргүүтэй барууны орнууд НҮБ-ын аюулгүйн зөвлөлийн зарчмыг үл ойшоон, жижиг улс орнуудын эсрэг хүч хэрэглэх гэж байгаа хэмээн буруутгажээ. Тэрээр “Барууныхан ардчилал, эрх чөлөөг бус хүчирхийлэл, эмх замбараагүй байдал авчирна. Бид тэдэнд удаа дараа хууртлаа” хэмээн мэдэгдсэн байна.