Хятадтай худалдааны гэрээ байгуулсаныг эсэргүүцсэн хэзэн зуун оюутнууд Тайванийн парламентын чуулганы танхим руу хүчээр дайрсан орсон байна. Уурлаж хилэгнэсэн оюутнуудыг цагдаа нар хүчээр тараажээ. Оюутнууд Тайванийн эдийн засаг Хятадаас хараат бус байх хэрэгтэй гэж үзэж байна. Хятад нь Тайванийн хамгийн том худалдааны түнш бөгөөд сүүлийн жилүүдэд хоёр орны харилцаа сайжирч эхэлсэн аж. 1949 оны иргэний дайны сүүлээр салан тусгаарласан Тайванийг Хятадууд өөрсдийн газар нутгийн бүрэлдэхүүн хэсэг гэж үздэг. Энэ оны эхээр хоёр улсын Засгийн газрын дээд хэмжээний уулзалтыг анх удаа зохион байгуулсан билээ. Энэ үеэр худалдааны гэрээ байгуулсан ч Тайванийн эдийн засагт сөрөг нөлөө үзүүлэх вий гэсэн айдас олон нийтийн дунд байгаа юм.