Афганистаны нийслэл Кабул хотын тансаг зэрэглэлийн Серена зочид буудлыг буутай дөрвөн этгээд эвдлэн сүйтгэж, гал нээсэн байна. Энэ халдлагын улмаас Афганистаны тусгай албаны дөрвөн хүн амь үрэгджээ. Уг зочид буудалд хоол захиалахаар орсон хэрэгтнүүд гар буугаа оймсон дотроо нуусан байжээ. Хоолоо захиалан идэж байгаад нэг цагийн дараа бие засах газарт нуугдан гал нээж эхэлсэн аж. Гадаадынхны үйлчлүүлдэг тус зочид буудалд нийтдээ найман удаа буун дуу гарсан бөгөөд хэргийн цаана Талибан бүлэглэл байж болзошгүй гэнэ. Хэрэг үйлдсэн этгээдүүд бүгд 18-аас доош насны хүүхдүүд юм байна. Серена зочид буудал нь Афганистаны ерөнхийлөгчийн ордон, төрийн гол яамдаас 1 километрийн зайтай байрладаг учир Талибан бүлэглэлийн бай болсон байх магадлалтай гэнэ. Тус улсад ирэх дөрөвдүгээр сард ерөнхийлөгчийн сонгууль болно.