АНУ-ын ерөнхийлөгч Барак Обама Украины түрэмгийллийн хариуд ОХУ-ын дээд албан тушаалтнуудын эсрэг хатуу арга хэмжээ авна гэдгээ Цагаан ордноос дахин мэдэгдлээ. Тодруулбал Орос, Украины төрийн дээд албан тушаал хашдаг 20 хүний гадаад дахь дансны гүйлгээг зогсоож, бизнесийн харилцаанд саад хийх юм байна. Дээд албан тушаалтнуудын гүйлгээг зогсоосноор Оросын 17 дахь том банк болох “Россия банк” гэхэд 10 тэрбум долларын эх үүсвэрээ алдаж байгаа гэнэ. Энэхүү хориг арга хэмжээг авсанаар долларын нөөц багасч, эдийн засагт сөрөө нөлөө үзүүлнэ гэж тооцжээ. Дээрх хоригт багтсан дээд албан тушаалтнуудын нэрсийг дурдвал:
Геннади Тимченко
Ерөнхийлөгчийн дотны хүн түүнийг 15,3 тэрбум долларын хөрөнгөтэй болохыг Форбес сэтгүүл онцолсон байдаг.

Борис Ротенберг, Аркади Ротенберг
ОХУ-ын ерөнхийлөгч В.Путинтай дотно харилцаатай байдаг ах дүү хоёр улсын өмчит Газпром компаниар дамжуулан хувийн хөрөнгөө зузаатгасан гэж үздэг. Тэд нийтдээ 2,5 тэрбум долларын хөрөнгөтэй.

Юрий Ковальчук
“Банк Россия”-гийн хамгийн их хувьцааг эзэмшдэг энэ эрхэм Оросын тэргүүн зуун баяны нэгт тооцогддог. Тэрээр АНУ-д их хэмжээний мөнгөтэй данс эзэмшдэг байна.

Сергей Иванов
2011 оноос эхлэн ерөнхийлөгч В.Путинтай хамтран ажиллах болсон Сергей Иванов улс төрд орохоосоо өмнө тагнуулч байв. Тэрээр 2001-2007 онд ерөнхий сайдын орлогч, аюулгүйн зөвлөлийн нарийн бичгийн даргын албыг хашиж байжээ.

Владимер Якунин
2005 оноос хойш өнөөг хүртэл Оросын төмөр замын даргаар ажиллаж буй Якунин улсын өмчит компаниараа дамжуулан олон улсын тавцан дахь байр сууриа бэхжүүлсэн гэдэг. Сочи хотын бүтээн байгуулалтад оролцож явсан тэрээр АНУ-д их хэмжээний хөрөнгөтэй данс эзэмшдэг байна.

Владимер Козин
2000 оноос эхлэн В.Путины удирдлага дор ажиллах болсон Козин 60 гаруй мянган ажилтантай 100 гаруй үйлдвэрийн эзэн юм. Түүнийг хувьдаа 4000 машин эзэмшдэг гэсэн мэдээлэл бий.

Виктор Иванов
Петерсбург хотын даргыг албыг хашиж явсан энэ эрхэм 2004-2008 оны хооронд ерөнхийлөгчийн туслахаар ажиллаж байсан гэдэг.