Австралийн ерөнхий сайд Тонни Эббот Энэтхэгийн далайгаас хиймэл дагуулаар авсан гэрэл зураг алга болсон онгоцных байж болзошгүй гэсэн мэдэгдэл хийсний дараа олон улсын эрлийн багийнхан тэнд хайгуулаа үргэлжлүүлж байна. Дээрх зураг дээрх объект нь 24 метр урттай байгаа нь онгоцныхтой тохирч байгаа ажээ. Хайгуулчид далайн чанадыг дурандаж ажиглаж байгаад 3,6 километрийн цаана хөвж явсан зүйл дээр очиход бөмбөр хөгжим байжээ. Ийнхүү Малайзын эрх баригчид Австралийн хиймэл дагуулаар авсан зурагт найдаж буй нь онгоц осолдсон болохыг батлаж буй ажээ. Энэ хооронд Куала Лампур хотын агаарын тээврийн компаниуд хохирогчдын ар гэрийнхний зөвлөлтэй уулзалт зохион байгуулсан юм. Австраличууд мэдээлэл хийсний дараа зорчигчдын ар гэрийнхэн хэвлэлийн хурлын танхимд цугларч, мэдээ ирэхийг хүлээсээр байна. Тэд төрөл төрөгсдөө амьд гэдэгт итгэн залбирсаар байна. Гэвч Малайзын онгоцны талаарх таагүй мэдээлэл сонссон зорчигчдын ар гэрийнхний заримынх нь биеийн байдал эрс муудаж, эмнэлэгт хүргэгджээ.