Их долоогийн орнууд Крымийг Оросод хүчээр нэгтгэсэн асуудлаар хэлэлцэж эхэллээ. Их наймын орнуудаас Оросыг хасах шийдвэр гаргасны дараагаар Канад, Франц, Герман, Итали, Япон, Их Британи, АНУ хэлэлцээрт оролцож байна. Оросууд Крым дэхь Украины 189 цэргийн баазыг эзэлсэний дараа Натогийн цэргийн ерөнхий командлагч хуучин Зөвлөлтийн орнуудын аюулгүй байдалд заналхийлж буйг сануулсан юм. Энэ хооронд Украины үндэсний аюулгүй байдлын зөвлөлийн дарга Андрей Парубий “Путины зорилго Крым биш Украиныг бүхэлд нь эзлэх явдал” гэж хэлсэн байна. Харин Оросын батлан хамгаалахын дэд сайд Анатоли Антонов “Оросын зэвсэгт хүчин хөрш орнуудын аюулгүй байдалд заналхийлэх гэнэтийн дайралт хийхгүй” гэж хэлжээ. Өнгөрсөн долоо хоногт Крым Оросод эзлэгдсэний дараа Украины нэг албан хаагч алагдаж, хоёр цэрэг шархадсан юм. 
