Сураггүй алга болсон Боинг онгоц Энэтхэгийн далайн дунд хэсэгт байгаа болохыг Их Британийн хиймэл дагуулаар авсан зураг баталсан юм. Тэгвэл онгоцны эрлийн ажлыг олон сая долларын үнэтэй робот гүйцэтгэж байна. Далайн гүнд шумбасан роботын үйлдлийг кабель сүлжээгээр дамжуулан онгоцны хяналтын өрөөнд ажиглаж байгаа ажээ. Ингээд роботын хайгуулын ажиллагааг камераар хянаж, онгоцны үлдэгдэл байгаа эсэхийг сайтар нягтлан судалж эхэлжээ. Камерт сэжигтэй зүйл харагдвал робот гараараа барин авч, тодруулах харах замаар хайгуул үргэлжилж байна. Эрлийн багийн ахлах Стивен Уоллес "Олон өдөр үргэлжлүүлсэн эрлийн үр дүнд ямар ч тодорхой зүйл илрээгүй нь онгоц шатаж алга болсон байх магадлалтайг гэрчилж байна. Гэхдээ яг тийм гэж хэлэхийн аргагүй ээдрээтэй осол болсон" гэж ярьжээ. Хайгуул явуулж буй Энэтхэгийн далай нь дэлхийн гадаргын усны 20 орчим хувийг бүрдүүлдэг гурав дахь том далай юм. Далайн дундаж гүн нь 3,890 метр гэж тооцдог байна.
