Ази тив дэхь Японы түрэмгийлэл дууссанаас хойш анх удаа Япон, Өмнөд Солонгосын удирдагчид албан ёсны уулзалтаа зохион байгуулжээ. Гааг хотод үргэлжилж буй цөмийн хөтөлбөрийн асуудлаарх дээд хэмжээний уулзалтын үеэр АНУ-ын ерөнхийлөгч Барак Обама Японы ерөнхий сайд Шинзо Абе, Өмнөд Солонгосын ерөнхийлөгч Пак Гын Хе нарыг уулзуулсан байна. АНУ хоёр орны харилцаан дахь хурцадмал байдлыг намжаахыг зорьж байгаа аж. Тиймээс АНУ, Япон, Өмнөд Солонгос хамтарч байж Хойд Солонгосын цөмийн өдөөн хатгалгын эсрэг хүчтэй дохио өгч чадна хэмээн Обама ярьжээ. Ерөнхийлөгч Пак Гын Хе Япончууд дайны гэмт хэргээ цагааруулахыг оролдож байна хэмээн буруутгаж Шинзо Абетэй уулзахаас татгалзаж байсан юм. Харин Шинзо Абе энэ удаагийн уулзалт хоёр орны харилцаанд чухал алхам болно гэдгийг онцлоод Хятадын удирдагчтай уулзаж, Зүүн тэнгистэй холбоотой газар нутгийн маргаантай асуудлаа шийдэхийг хүсч буйгаа илэрхийлжээ.
