Сураггүй алга болсон онгоцны зорчигчдын ар гэрийнхэн Малайзын эрх баригчдыг буруутган олон сая доллар нэхэмжилж байгаа энэ үед ослын тухай чухал мэдээлэл агуулдаг хар хайрцагны бичлэг устгагдсан байх магадлалтай гэсэн таамаг гарч иржээ. Хар хайрцган дахь гол мэдээлэл устсан байж болзошгүй тул онгоцонд юу тохиолдсон талаарх мэдээллийг хэзээ ч олж чадахгүй юм. Энэтхэгийн далайд онгоцных байж болзошгүй 122 объект харагдсан ч хар хайрцгийг олох боломж тун хомс байна. Онгоцны хар хайрцгийг олохоор далайд шумбасан Америкийн илрүүлэгч төхөөрөмж ирэх дөрөвдүгээр сарын 5-нд буюу ослоос хойш 28 өдрийн дараа эргэж ирэх учиртай. Нисэхийн инженер Дэвид Берри хар хайрцагны мэдээлэл батерей дууссанаас хойш 10 өдөр хадгалагддаг боловч дохиолол нь гэмтсэн байдаг ажээ. Энэ тохиолдолд эрлийн ажиллагаа хэдэн жилээр ч үргэлжлэх эрсдэлтэй. Үүнээс гадна  холбоо тасарсанаас хойш 7 цаг ниссэн Малайзын онгоцны хувьд хар хайрцганд ослын зөвхөн сүүлийн хоёр цагийн бичлэг хадгалагдаж үлдсэн гэж тооцож байна. Тиймээс онгоцонд юу тохиолдсон талаарх гол мэдээллийг олох боломж муутай гэнэ.