Өмнөд, Хойд Солонгос улсууд газар нутгийн маргаан өрнүүлдэг баруун тэнгисийн хил орчимд харилцан гал нээжээ. Хойд Солонгос өнөө өглөө хилийн орчимд гал нээсний хариуг Өмнөд Солонгосчууд ингэж барьсан гэнэ. Ким Чен Уны засаг захиргаа Өмнөд Солонгос-АНУ-ын хамтарсан цэргийн сургуулилтыг эсэргүүцэж цөмийн сургуулилт хийнэ гэдгээ мэдэгдсэн. Өнгөрсөн долоо хоногт 80 гаруй удаа пуужин харвасан Хойд Солонгосыг НҮБ буруутгасан ч дахин хариу цохилт өгсөөр байна. 2010 онд мөн ийм маягаар дайсагналцаж, Хойд Солонгосын их бууны галд оногдон Өмнөд Солонгосын дөрвөн хүн амиа алдсан юм. Солонгосын дайны дараагаар хоёр орны хилийг баруун хэсгээр заагласан гэдэг. Гэвч энэ хэсэгт байнга тэмцэл, дайсагналцал гарсаар иржээ.