Украины ерөнхийлөгч асан Виктор Янукович Оросын цэргүүд Крымийг эзэлсэнд сэтгэл дундуур буйгаа илэрхийлээд, ерөнхийлөгч Владимир Путинтай хэлэлцээр хийнэ гэдгээ тангараглажээ. Тэрээр “Крымийг Оросод алдсан нь үнэхээр эмгэнэлтэй” хэмээн “Associated Press” агентлагт өгсөн ярилцлагадаа дурдсан байна. Януковичийг Оросын талд үйлчилж, Европын холбоонд элсэхээс татгалзсан хэмээн буруутгаж эхэлсэн эсэргүүцэл, тэмцэл Украинд тогтворгүй байдал авчирсан юм. Өнгөрсөн сард В.Путин Виктор Януковичийн хүсэлтээр Крым дэхь Орос иргэдээ хамгаалахын тулд цэрэг оруулсан гэж тайлбарласан. Тиймээс ч Крымийг Оросод алдсанд Януковичийн нөлөө байсан гэж үздэг. Харин Янукович “Крымийн хувь заяа буруугаар эргэсэнд би буруутай. Хэрэв би ерөнхийлөгчийн суудлаасаа буугаагүй бол хэзээ ч Оросод эзлэгдэхгүй байсан” гэж хэлжээ. Тэрээр ийнхүү улсынхаа талд орж байгаа ч Крымийг буцаан авна гэдэг юу л бол?