BMW автомотив компани Хятадын зах зээлд импортлосон болон тус улсад үйлдвэрлэсэн 232 мянган автомашинаа ирэх зургадугаар сарын 18-наас эхлэн эргүүлэн татахаар болжээ. Хятадын чанарын үнэлгээний байгууллага эдгээр автомашинууд хөдөлгүүрийн шаардлага хангаагүй гэж үзсэн учраас ийм шийдвэр гаргасан байна. BMW компани нь шаардлагын дагуу 2009 оны зургадугаар сараас 2013 оны зургадугаар сарын хооронд үйлдвэрлэгдсэн газан хөдөлгүүр бүхий зургаан цилиндртэй загваруудаа ашиглалтаас гаргаж байгаа аж. Эдгээр загваруудын хөдөлгүүр алдаатай байсан учраас тос алдаж, гэрэл нь шатах эрсдэлтэй байгаа гэнэ.