ОХУ-ын ерөнхийлөгч Владимир Путин террорист халдлагын эсрэг тууштай тэмцэнэ гэдгээ мэдэгджээ. Өнгөрсөн оны сүүлд Волгоград хотод болсон халдлагын улмаас 34 хүн амиа алдаж, 70 хүн шархадсан юм. Тиймээс Хойд Кавказ дахь радикал үзэлтнүүдээс гадна бусад мужид шашин, угсаатан хоорондох зөрчлийг даамжруулахгүй байхад анхаарна гэжээ. Афганистан, Сири зэрэг орнуудад террорист халдлага удаа дараа гарч буй нь Путины санааг хамгийн ихээр зовоож байна. Тэдгээр террористууд Оросын эсрэг хуйвалдаан зохион явуулахад бэлэн учир юуны түрүүнд улсын нууц мэдээллийн эх сурвалжийг хамгаалахад анхаарахыг даалгасан байна. Оросын нууц албанд 46 мэргэжлийн тагнуулч, 258 төлөөлөгч бий.