Доктор Стив Хорн “Google” нүдний шилний ачаар үхлийн аюултай тулгараад байсан өвчтөний амийг аварч чадсан байна. Ухаалаг нүдний шил нь өчвтөний түүх, харшлын мэдээлэл зэргийг нь заавал компьютерээр хянах шаардлагагүй болгож, цаг хэмнэсэн хэмээн доктор өгүүлжээ. Тархины цусан хангамж дутагдаж, даралт унасан үед харшлын мэдээллийг нь харах цаг байдаггүй гэнэ. Тиймээс үхлийн аюултай тулгарсан өвчтөний түүхийг компьютерээс харж цаг алдалгүйгээр түргэн шуурхай эмчлэх боломжийг олгож байна. Энэхүү гайхалтай төхөөрөмжийг та зүгээр л жирийн нүдний шил шиг зүүчихэж болно. Гэхдээ таны нүдэнд дурын видео дүрс, тэр өдрийн цаг хугацаа, агаарын дундаж температур гээд л бүхий л мэдээлэл гарч ирдэгээрээ ялгаатай. Бас яг Ipad юмуу, Iphone гар утсыг хэрэглэж байгаа юм шиг дүрс болон программуудыг шилжүүлэн үзэж болно. Харин үүний тулд хуруу гараа хөдөлгөхийн хэрэг ер байхгүй. Бүгдийг нүдний алимны хөдөлгөөнөөр хийж болно. Гэхдээ уг нүдний шилний баруун талд тусгай дардаг товч бий. Энэ бол уг гайхалтай төхөөрөмжийн цорын ганц товчлуур юм. Өөрөөр хэлбэл яг л Ipad төхөөрөмж шиг ганцхан товчтой гэсэн үг.  Хоёр гар завгүй үед нүдний шил таны өмнө гарч ирэх бүхий л дүрсийг нэгд нэгэнгүй бичих болно.