Давхар дээлийг дан болгох хуулийн төслийг хэлэлцэх явцад УИХ-ын гишүүн, сайдаар давхар ажиллаж байгаа хүмүүс уг санал хураалтанд оролцох нь эсэх нь эргэлзээтэй болж МАН-ын бүлгийн зүгээс үүнийг ашиг сонирхолын зөрчил гэж үзэж шаардлага хүргүүлээд байсан. Өнөөдрийн ээлжит чуулганаар уг асуудлаар санал хураалт явуулахаар оруулж ирсэн ч УИХ-дахь "шударга ёс" эвслийн бүлэг "хэлэлцэж буй асуудлаар ойлголтын зөрүүг арилгах, зарим асуудлаар ойлголцолд хүрэх шаардлагатай" гэж үзэж 5 хоногийн завсарлага авлаа. Ингэснээр сайд нарын давхар дээлийг энэ оны долдугаар сард тайлах уу, эсвэл 2016 онд тайлах уу гэдэг нь ирэх долоо хоногт шийдэгдэх боллоо.