Шувууны томууны вирусаас хамгаалах зорилгоор Их Британичуудын 756 сая доллар зарцуулж гаргасан “Tamiflu” эмийг дэлхий даяар тараасан. Гэвч энэхүү эм нь шувууны томуунаас урьдчилан сэргийлэх бус шинж тэмдгийг нь бага зэрэг дардаг болохыг шинжээчид тогтоожээ. Вирусын эсрэг үйлчилгээтэй “Tamiflu” эмийг 750 мянган хүнд халдварласан шувууны томууны вирусыг дарахаар 2006 онд гаргаж ирсэний дараа бусад улс оронд мөн хэрэглэх болсон байна. Уг бүтээгдэхүүнийг үйлдвэрлэгч компани эмийн гаж нөлөөний талаарх мэдээллээ олон нийтээс нууцалж байжээ. Шинжээчид энэ эмийг хэрэглэсэн насан хүрсэн хүний өвчний шинж тэмдэг 6 хоног, хүүхдийнх 5 хоногийн дотор арилдаг болохыг тогтоосон байна. Харин бүтээгдэхүүн уушигны хатгаа, шувууны ханиаднаас урьдчилан сэргийлэх боломжгүй  гэнэ. Түүнчлэн бөөлжих, толгой өвдөх, сэтгэцэд нөлөөлөх зэрэг гаж нөлөө үзүүлж, бөөр шээсний замын өвчин, цусан дахь сахарын хэмжээ ихэсч, даамжрахад нөлөөлдөг байна. Оксфордын их сургуулийн профессор Карл Хенеган “756 сая долларыг хүний эрүүл мэндэд ямар ч тусгүй бүтээгдэхүүнд зарцуулсан” хэмээн ярьжээ. Дэлхийн 100 гаруй оронд хэрэглэдэг “Tamiflu” эм чанарын шаардлага хангахгүй байгааг эрдэмтэд сануулж байна. Уг эмийг H1N1 вирусын халдвараас сэргийлэх зорилгоор манай улсад 2009 онд түгээмэл хэрэглэж байжээ.